انا بتغير وانتى..لسه زى ماانتى

لسه زى ماانتى..


انا غيرت فى نفسى عشانك..
وبقيت حد مايعرفنيش..
كل مافيا بقى ألوانك..
علشان اللى مابينا يعيش..
وبقيت صوره بتتمنيها..
وتحبيها على بعضيها..
حتى إن كنت انا ضايع فيها..
بس عشانك..قلت ارضيها..


وبقيت زى ماعايزه اكون..
شكل وطعم وحس ولون..
وحبيب يرضيلك إحساسك..
بمشاعر حلوه على مقاسك..
لا بيتغير ولا بيخون..
ولا شايف غيرك فى الكون..
علشان بيحبك بجنون..
كل الحب دا وانتى..
لسه زى ماانتى..
بالشك وبالغيره..
وظنون تانى كتيره..
لا بتنسيلى ذنوب..
ولا يرضيكى اتوب..
مهما احب وادوب..
برضه تلاقى عيوب..
انا بتغير وانتى..
لسه زى ماانتى..


مش بالشك وظنك فيا اكونلك وحدك..
انا بعشق إخلاصك ليا.. وبعمل زيك..
رغم جنون افكارك بنسى..
وبقول يمكن علشان عاشقه..
واللى يحب لايمكن يقسى..
اتغيرت..وطبعك لسه..


شيفانى القاسى الغدار الخاين لشعورك..
اللى اتحايل ياما زمان علشان بس يطولك..
وانا بتحمل وارضى غرورك..
لكن كل اللى بقولهولك..
لسه زى ماانتى..
انا بتغير وانتى..
لسه زى ماانتى