شباب و بنات

هكون محايد و هفرجكوا على شباب و بنات اليومين دول من باب الدعابة و ليس أكثر
(مقتبس من مواقع على النت)
نبدأ بشباب اليومين دول وكدبهم

يلا نبدأ:

- حبيبتى انتى عارفه انا مش بحب حركات الشباب الطايش انا اصلا مبكلمش بنات (وتلاقيه يعرف طوب الارض )
************
2- يااااه ياحبيبتى انا حاسس انى اعرفك من زمان ( وهوا تلاقيه متلخبط بينها وبين بنت كان يعرفها قبل كده )
************
3- حاسس ان فيكى حاجه غريبه غير كل البنات ( اكنها مثلا بتمشى على ايديها ورجليها )
************
4- انا حاسس ان فى شبه كبير بين افكارى و افكارك احنا اكيد مخلوقين لبعض (اكيد دى البنت رقم 100 اللى بيقولها كده وكأن بنات الدنيا مخلوقين علشانه)
************
-حبيبتى انتى اول حب فى حياتى وانا حاسس انى اتولدت يوم ماقبلتك (على أساس ان والدته كانت حامل فيه 20 سنه وولدته قبل مايقابلها بيومين )
**************
- يااه يا حبيبتى انتى تؤمرى وانا انفذ اللى انتى عايزاه اجبهولك ( فى المشمش )
**************
7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير ( طبعا فاهمين الحركات دى تلاقيه مش عاجبه اساسا)
**************
8- هكلم باباكى اول ماكًون نفسى (موووووووووووت يا حمااااااااااار )
**************
9- حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
(بففففففففف الاسطوانه المشروخه)
**************
ا10- نا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
) يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ(
**************
11- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
) طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ده لو عنده اصلا (
**************
12- ياحبيبتى انتى بتتكلمى فى أيه انا كل عطورى من فرنسا
)اكيد فرنسا ده جمب عم سيد البقال(
**************
13- ياه لما بشوف رقمك على الموبيل قلبى بيتنفض
)طبعا من الخضه انها تكون فأسته(
**************
14- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم(
***************
15- حبيبتى عايز صورتك عشان قبل مانام اشاهد فى جمالك واحطها تحت المخده
) لا وهو الصادق عشان لما يتخانقو يهددها بيها (
***************
16- اسف يا حبيبتى امبارح مقدرتش اكلمك كنت مشغوووول فى المذاكره
) قصده معهوش فلوس او مشغول مع واحده تانيه (ـ
****************

17- اسف يا حبيبتى انى مقدرتش اجى فى المعاد امبارح كان عندى ظروف صعبه
)معزور الولد افتكر معاد البنت التانيه اللى بقاله 3 اسابيع مأجله(
****************
18- عارفه يا حبيبتى انا طول الليل منمتش قاعد بفكر فيكى
)بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )
****************
عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
)يقصد مش بيفتح البلوك عنها الا اما تكون هيا بس الى اون لين عنده(
****************
حبيبتى انا ماستهلكيش
)يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه (
*****************
انا بعمل كده علشانك انتى
(ايوه ماحنا عارفين باباها قالو لو ماسبتهاش هاحرمها من الميراث )
****************
انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه(
****************
انا هاسيبك علشان مش عاوز اى حد يتكلم عليكى نص كلمه
(ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )
****************
انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)
****************
أنا مانفعش ارتبط بواحده مشيت معاها

****************
انتى احسن حد عرفته فى حياتى بس مش هاينفع نكمل
(ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)
*****************
انتى اكتر حد حبيته فى حياتى بس برده زى ماقولتلك مش هاينفع نكمل

ولسه ولسه يا ما في بلاوي عليكم ...
بس كفياكم ...



بنات اليومين دول و >>>

داخل المنزل

شعر منكوش على الاخر..هدوم مايعلم بيها الا ربنا..والبرفان خليط من البصل والتووم
...البوز شبرين ما شاء الله


خارج المنزل

شعر ناعم..هدوم ولا اروع تقول ملكة جمال او عارضة ازياء..كعب عالي

برفان من النوع المستورد..ومحدد شفاه من النوع الغالي
تحس انها ماشية بتلمع وتبرق

شايفبن الفرق بين جوة البيت وخارج البيت ولسه
البنت يجذبها: الانوار والهيصة (زي انوار السوق والافراح)

البنت تكره: الظلام والنصيحة (خصوصا لو كانت متعلقة بشكلها)

دموعها

دموع: للفراق والوداع
دموع: عند جوزها (عايزة فلوس) دي بتبقى جامدة اوي تحس ان الدنيا مطرت في الشقة


اخلاقها لو شافت فستان حلو على صاحبتها

تقول لصاحبتها التانية: ده فستان فلانة ده موضة قديمة ومش مودرن خالص ... ياي ده شكله بلدي خالص.. لا والغريبة انها اتخمت فيه ودافعة فيه 500 جنيه ..انا مادفعش فيه اكتر من 100
انا بابي لسه جايبلي واحد احسن منه من 3 سنين من باغيس لبسته مرتين ماعجبنيش
اديته للشغالة


تقول لمامتها: ياماما ده فلانة كانت لابسة فستان يجنن يهبل يهوس

انا عايزه واحد زيه عشان خاطري ياماما ...والزن يشتغل والمسكنة بقي لمامتها علشان مصلحتها


لو عايزه حاجة من جوزها: ياااااااااه على قنابل الحب والحنية اللي بتنفجر عليه ..زي المطر
واذا زعلانة منه في حاجة: ياااااه على قنابل الطوب والحلل والشباشب اللي بتتحدف عليه

زي المطر برضه

نفسية البنت
في العربية او المواصلات: كتومه
براها: رغاية رغي ..راديو شغال 24 ساعة والحجارة مابتخلصش خالص ... الا لو ربنا كرمها ونامت وريحت اللي حواليها
البنت قبل وبعد الحب
قبل الحب: نظيفه. زكيه.نشيطه خاليه من الامراض
بعد الحب: عبيطة.هبلة .كسولة.اما الامراض حول في العيون..قشعريره في الفم تصاحبها تهتهه جامدة جدا في الكلام.انقباض في المعده(من كتر الاكل اللي بتاكله على حساب الغلبان حبيبها). خروج اللسان بدون داعي
قبل الجواز وبعد الجواز
قبل الجواز: خط بيزنس

بعد الجواز: بتقلب اي حاجة ولا يهمها ماهو على دماغ الغلبان جوزها
قبل الجواز: جميلة ورشيقة
بعد الجواز: طبعا تحس ان في دبة ماشية قدامك

قبل الجواز: وش جميل وعيون سودةو الشعر لغاية الركبة


بعد الجواز: وش منفوخ زي مايكون كاوتش...عيون حمرة (طبعا لازم توريه العين الحمراء )...اما بالنسبة للشعر ينخفض تدريجيا حتى يصل الى حالة لايرثى لها (لا يرى بالعين المجردة)